नेपाल बन्दमा गाडी चलाउँदा खतरा हुने देखेपछी कुलमान मोटरसाइकल चढेरै काममा हिंडे

हेटौंडाबाट आइतबार राति चितवन आएका नेपाल विद्युत प्राधिकरणका प्रमुख कार्यकारी निर्देशक कुलमान घिसिङको कार्यतालिका सोमबार बुटवल जाने थियो । तर, उनी विप्लवको बन्दका कारण भरतपुरमै रोकिए ।

बन्दका कारण भरतपुरमा रोकिएका कुलमानले समयको सदुपयोग गरे । भरतपुरका समस्याहरूका बारेमा जानकारी लिए । समस्याको तत्काल समाधानका लागि निर्देशनसमेत दिएका छन् ।

विद्युत प्राधिकरण भरतपुर वितरण केन्द्रका प्रमुख सुरेश महतो कार्यालयकै कामले हेटौंडामा रहेकोले कुलमानले भरतपुर महानगरपालिकामा पुगेर मेयर रेनु दाहालसँग समस्याबारे जानकारी लिएका छन् ।

भरतपुर विमानस्थलको दक्षिण पूर्व क्षेत्रमा रहेका विजुलीका तार र पोल नसार्दा हवाई दुर्घटनाको जोखिम बढेको जानकारी पाए लगत्तै कार्यकारी निर्देशक घिसिङले वितरण केन्द्रका प्रमुख सुरेश महतोलाई फोन गरेर तत्काल तार अण्डरग्राउण्ड गर्न निर्देशन दिए ।

पहिला नै गर्न भनिएको काम अहिलेसम्म पनि नभएको भन्दैं कुलमानले केन्द्रका प्रमुख महतोसँग असन्तुष्टि पोखे । पटकपटक भरतपुर विमानस्थलले विजुलीका पोल र तार हटाउन अनुरोध गरे पनि यहाँको वितरण केन्द्रले बजेट नभएको भन्दैं आनाकानी गदैं आएको छ ।

भरतपुर विमानस्थलका प्रमुख पवन गौत्तमले पनि कुलमानलाई पोल र तार हटाइदिन आग्रह गरेका थिए । कुलमानले तत्काल तार हटाएर त्यसको जानकारी गराउन भरतपुर वितरण केन्द्रका प्रमुख महतोलाई निर्देशन दिएका छन् ।

भरतपुरको आँपटारीदेखि केन्द्रीय बस टर्मिनलसम्म सडक विस्तारको काम सुरु भएको धेरै भैसक्यो । तर, पनि विद्युत कार्यालयले सडकमा रहेका पोल नसार्दा काम अघि बढ्न सकेको छैन ।

सडक विभागले पोल सार्न ७० लाख रकम विद्युत प्राधिकरणलाई दिएको छ । प्राधिकरणले सडकका केही पोल सो रकम खर्च गरेर सारे पनि बाँकी पोल सार्न रकम नपुगेको भन्दैं काम रोकिएको छ ।

करिब ४ किलोमिटर सडकखण्डमा पर्ने विद्युतका ७० प्रतिशत पोल सारीसकिएको छ । अन्य पोल सार्ने काम रोकिदा त्यसको मार सडक बिस्तार र रूख कटानमा परिरहेको छ ।

विद्युत प्राधिकरणका प्रमुख कार्यकारी निर्देशक कुलमान घिसिङले वितरण केन्द्रमा प्रमुख सुरेश महतोलाई तत्काल पोल सार्न निर्देशन दिएका छन् । प्रमुख कार्यकारी निर्देशक कुलमानको निर्देशन पाएका वितरण केन्द्रमा प्रमुख सुरेश महतोले पर्सीबाट नै पोल सार्ने काम अघि बढाउने जानकारी दिए ।

कार्यकारी निर्देशक घिसिङले अन्तर्राष्ट्रिय क्रिकेट रंगशाला निर्माणस्थलमा विद्युत ट्रान्र्सर्फमर राखेर कामलाई सहज बनाइदिन आग्रह गरेका छन् । पश्चिम चितवनका विभिन्न स्थानमा पटकपटक लाइन जाने समस्याका बारेमा पनि कुलमानले जानकारी लिएका छन् । उनले सो क्षेत्रका कर्मचारीहरुलाई समस्याको तत्काल समाधान गर्न निर्देशन दिए ।

यो पनि पढ्नुस

जति मेहनत गरेपनि धन कमाउन सक्नुभएको छैन भने तपाईंलाई ग्रहदोष हुनसक्छ । यसलाई हटाउन ऊँ श्री हनुमते नमः यो मन्त्र दिनदिनै २१ चोटि जप्नुस् । काममा बाधा आउन पाउँदैन ।

अलिकति हिंग आफूमाथि घुमाएर उत्तर दिशामा फ्याँक्नुस् । अनि बिहानै तीनवटा हरिया अलैंची दाहिने हातमा राखेर श्रीं श्रीं उच्चारण गर्नुस् र खानुस् । त्यसपछि घरबाहिर निस्कनुस् । काम फत्ते हुन्छ ।

सुतेर बिहान उठेपछि दिनदिनै आफ्नो हत्केलालाई ध्यान दिएर हेर्नुस् र तीनचोटि चुम्नुस् । यसो गर्दा हरेक काममा सफलता पाउनुहुनेछ । शनिवारदेखि यसो गर्न शुरु गर्नुस् ।

पाँच रुपैयाँको नोटको त्रिकोण पिरामिड बनाएर पूजाकोठामा राख्नुस् । धनको कमी हुन थाल्नेबित्तिकै त्यो पिरामिडलाई देब्रे हातमा राखेर दासहने हातले छोप्नुस् । अनि पिरामिडले घरमा धन ल्याउँदैछ भनी कल्पना गर्नुस् ।

यसो गर्दा कताकताबाट तपाईंलाई धन आइलाग्छ । तर पैसाको साह्रै खाँचो भयो भने मात्र यसो गर्नुस् । गुरु पुष्य योग र शुभ चन्द्रमाको दिन बिहान हरियो रंगको कपडाको सानो थैलो बनाउनुस् । अनि श्रीगणेशको चित्र वा मूर्तिअघि बसेर संकटनाशन स्तोत्रको ११ चोटि पाठ गर्नुस् ।

त्यसपछि थैलीमा सातवटा मुँग, दश ग्राम साबुत धनियाँ, एक पञ्चमुखी रुद्राक्ष, एक चाँदीको सिक्का, दुईवटा सुपारी, दुईवटा बेसारको पोको बाँधेर गणेशजीलाई शुद्ध घिउको लड्डु भोग चढाउनुस् । त्यसपछि थैली कन्तूरमा राख्नुस् । एक वर्षपछि नयाँ थैली राख्नुस् । गरीब र ब्राह्मणहरूलाई दान दिनुस् । यसो गर्दा आर्थिक रूपमा तनाव हुँदैन ।

आइतवार भैरवको मन्दिरमा सिन्दूर चढाएर बटुक भैरव स्तोत्र पाठ गर्नुस् अनि गाई, काग र कालो कुकुरलाई मन पर्ने कुरा खुवाइदिनुस् । वर्षमा चार पाँचचोटि यसो गर्नुभयो भने सबै बाधा हटेर जान्छन् । एजेन्सी

प्रकाशित मिति May 27, 2019